திமுக அரசுக்கு அவப்பெயர் ஏற்படுத்தும் வகையில் பழனி செட்டி பட்டி பேரூராட்சி சேர்மன் மிதுன் சக்கரவர்த்தி தொடர்ந்து செயல்பட்டு வருவதாக பொதுமக்கள் குற்றச்சாட்டு தெரிவித்து வருகின்றனர்.
பழனிசெட்டிபட்டி பேரூராட்சி பகுதிகளில் வசிக்கும் பொதுமக்கள் தங்கள் பகுதியில் அடிப்படை வசதிகள் செய்து தரப்படவில்லை என குற்றச்சாட்டு தெரிவித்தாலும் அதனை உடனடியாக சரி செய்து தர பழனிசெட்டிபட்டி பேரூராட்சி நிர்வாகம் மறுப்பு தெரிவித்து வருகின்றனர்.
பேரூராட்சி பகுதியில் தேவையான அடிப்படை வசதிகள் செய்து தர கோரிக்கை விடும் பொதுமக்கள் மீது பொய்யான வழக்குகளை அரசு ஊழியரை தொந்தரவு செய்வதாக பொய் வழக்குகள் பதிவு செய்யப்படுகிறது.
சேர்மனுக்கு நெருக்கமானவர்கள் மற்றும், உறவினர்களின் கட்டிடங்கள், சொத்துக்கள் மற்றும் வணிகவளாகங்களுக்கு தனது அதிகாரத்தை தவறாக பயன்படுத்தி அனுமதி வழங்கப்பட்டு வருகிறது.
இதேபோல் பழனிசெட்டிபட்டி பேரூராட்சி பகுதியில் சாலை ஓரங்கள் மற்றும் அரசு புறம்போக்கு பகுதிகளில் கடை வைத்திருக்கும் நபர்களிடம் மிரட்டி பேரூராட்சி நிர்வாகம் பணம் வசூல் செய்து வருகின்றனர். வ
பழனிசெட்டிபட்டி பேரூராட்சி பகுதியில் சொத்துக்கள் மீது பல்வேறு முறைகேடு வழக்குகள் தொடரப்பட்டு நிலஅளவை செய்து அறிக்கை தாக்கல் செய்யக்கோரி பல்வேறு நீதிமன்ற உத்தரவுகள் நிலுவையில் உள்ளது
பேரூராட்சி நிர்வாகம் சார்பில் தனி நபர்களின் சொத்துக்கள் மீது விதிமீறல்கள் உள்ளதாக பொய்யான குற்றச்சாட்டுகளை கூறி சொத்துகளை அளவீடு செய்யும் பணி நடத்த வேண்டும் என பொதுமக்களை அலைக்கழிப்பு செய்து வருகின்றனர்.
தேனி மாவட்டம் பழனிசெட்டிபட்டி பேரூராட்சியின் சேர்மன் மிதுன்சக்கரவர்த்தி சர்வதிகாரி போன்று செயல்பட்டு வருகின்றார்.
சேர்மன் தந்தை மற்றும் தாயாரின் பெயரில் காமாட்சி அம்மன் கோவில் தெரு மற்றும் பழனியப்பன் தெரு ஆகிய இடத்தில் அரசு புறம்போக்கு நிலத்தில் சட்ட விரோதமாக கட்டிடங்கள் கட்டியுள்ளார் இது தொடர்பாக சமூக ஆர்வலர் அன்பழகன் மதுரை உயர்நீதிமன்ற கிளையில் வழக்கு தொடர்ந்தார் இந்த வழக்கிற்கு நீதியரசர்கள் (29/04/2025) அன்று அந்த கட்டிடங்களை அளவீடு செய்து புறம்போக்குகளை அகற்ற உத்தரவு பிறப்பித்தார்.
இது குறித்து தேனி மாவட்ட ஆட்சியர் ,வட்டாட்சியர், பேரூராட்சி செயல் அலுவலர் ஆகியோரிடம் பலமுறை புகார் தெரிவித்தும் இதுவரை உரிய நடவடிக்கை எடுக்கப்படவில்லை.
பேரூராட்சி சேர்மன் மிதுன் சக்கரவர்த்தி தொடர்ந்து அராஜக போக்கிற்கு பேரூராட்சி நிர்வாகம் மற்றும் மாவட்ட நிர்வாகம் தொடர்ந்து ஆதரவு தெரிவித்து வருகின்றனர்.
ஆளும் திராவிட மாடல் ஆட்சிக்கு அவபெயர் ஏற்படுத்தும் வண்ணம் செயல்படும் வரும் பேரூராட்சி சேர்மன் மீது கடும் நடவடிக்கை எடுக்க வேண்டும் என சமூக ஆர்வலர்கள் மற்றும் பொதுமக்கள் கோரிக்கை விடுக்கின்றனர்.
