தேனி மாவட்டம் பழனிசெட்டிபட்டி பேரூராட்சி சேர்மன் மிதுன் சக்ரவர்த்தியை திமுக கட்சியில் சேர்க்க திமுக கட்சி நிர்வாகிகள் கடும் எதிர்ப்பு தெரிவித்து வருக்கின்றனர்.
பழனிசெட்டிபட்டி திராவிட முன்னேற்றக் கழகத்தின் பேரூராட்சி செயலாளர், தனது உறவினர் மிதுன் சக்கரவர்த்தியை திராவிட முன்னேற்றக் கழகத்தில் இணைக்க முயற்சி செய்து வருகிறார்.
இவர் மீது பல்வேறு குற்றச்சாட்டுகள் தெரிவித்து அஇஅதிமுக மற்றும் அமமுக காங்கிரஸ் கட்சியில் இருந்து நீக்கப்பட்டவர்.
தேனி வடக்கு மாவட்ட செயலாளர் தங்கதமிழ்செல்வன், பேரூர் செயலாளரை அழைத்து கட்சியில் மிதுன் சக்கரவர்த்தியை கட்சியில் சேர்த்துக்கொள்ள எதிர்ப்பு தெரிவிக்கும் நபர்களை கட்சியை விட்டு நீக்க உத்தரவிட்டுள்ளதாக பழனிசெட்டிபட்டி பேரூராட்சி செயலாளர் தெரிவித்து வருகிறார்.
மேலும் பேரூர் செயலாளர், குறிப்பிட்ட திமுக கட்சி நிர்வாகிகளை மட்டும் அழைத்து கட்சியில் சேர்க்க ஆலோசனை நடத்தி உள்ளார்.
திமுக முன்னாள் உறுப்பினர்கள், மாவட்ட பிரதிநிதி, ஒன்றிய பிரதிநிதி, இளைஞரணி நிர்வாகிகள் யாரையும் அழைக்காமல் நேற்று (16/ 11/ 2025) பேரூராட்சி செயலாளர் குறிப்பிட்டவர்களை மட்டும் வைத்து மிதுன் சக்கரவர்த்தி கட்சியில் சேர்க்க ஆலோசனை கூட்டம் நடத்தியுள்ளார்.
இதனால் மூத்த கட்சி நிர்வாகிகள் பெரும் அதிர்ச்சி அடைந்துள்ளனர்.
இவர் திராவிட முன்னேற்ற கழகத்தில் இணைந்தால், போடி சட்டமன்றத் தொகுதி மற்றும் கம்பம் சட்டமன்ற தொகுதி ஆகிய இரண்டு தொகுதிகளும் படு தோல்வி அடையும் நிலைக்கு கட்சியை கொண்டு செல்வார் என திமுக மூத்த நிர்வாகிகள் குற்றச்சாட்டு தெரிவித்துள்ளனர்.
