தேனி மாவட்டம், போடி தாலுகா அருகே வளையபட்டி அருகே கல்குவாரியில் அரசுக்கு வருவாய் இழப்பை ஏற்படுத்தி சட்டவிரோதமாக வெடிவைத்து அளவுக்கு அதிகமான ஆழத்தில் கற்கள் வெட்டி எடுக்கப்பட்ட ஆழத்தை மண்ணை போட்டு நிரப்பும் பணி தீவிரமாக நடைபெற்று வருகிறது.
தேனி மாவட்டம், போடி தாலுகா மஞ்சுநாயக்கன்பட்டி ஊராட்சிக்கு உட்பட்ட வளையபட்டி கிராமம் அமைந்துள்ளது.
இந்த கிராமத்தில் தனியார் கல்குவாரியில் அளவுக்கு அதிகமான ஆழத்தில் கற்கள் வெடி வைத்து வெட்டி எடுக்கப்பட்டு அரசுக்கு வருவாய் இழப்பை ஏற்படுத்தி உள்ளனர்.
தற்பொழுது அரசுக்கு வருவாய் இழப்பை ஏற்படுத்தி வெடிவைத்து அளவுக்கு அதிகமாக ஆழத்தில் கற்களை வெட்டி எடுக்கப்பட்ட இடத்தை மண்ணை போட்டு நிரப்பு பணி தீவிரமாக ஈடுபட்டு வருகின்றனர்.
இது குறித்து நடவடிக்கை எடுக்க வேண்டியது கனிம வளம் மற்றும் சுரங்கத்துறை அதிகாரிகளுக்கு பலமுறை பொதுமக்கள் விவசாயிகள் புகார் தெரிவித்தும் உரிய நடவடிக்கை எடுக்கப்படவில்லை.
இந்த கிராமத்தில் அப்பாவி விவசாயிகளின் நிலங்களை கல்குவாரி உரிமையாளர் ஆக்கிரப்பு செய்து தற்போது வைத்துள்ளார்.
இதுகுறித்து நீதிமன்றத்தில் வழக்கு நடைபெற்று வரும் நிலையில் நிலத்தை ஆக்கிரப்பு செய்து வைத்துள்ளார்.
எனவே சட்ட விரோதமாக அரசுக்கு வருவாய் இழப்பை ஏற்படுத்தி கற்கள் வெட்டி எடுக்கப்பட்ட இடத்தை அரசு அதிகாரிகளும் மாவட்ட நிர்வாகம் ஆய்வு செய்தும், அப்பாவி விவசாயிகளின் நிலங்களை ஆக்கிரபை மீட்டு தரவும் உரிய நடவடிக்கை எடுக்க வேண்டும் என பொதுமக்கள் மற்றும் கிராம மக்கள் கோரிக்கை விடுத்து வருகின்றனர்.
