தேனி மாவட்டம் பழனிசெட்டிபட்டி பேரூராட்சி சேர்மன் மிதுன் சக்கரவர்த்தியை திமுகவில் சேர்க்க ஆதரவு தெரிவிக்குமாறு பேரூர் செயலாளர் கட்சி நிர்வாகிகளை மிரட்டல் விடுத்து வருவதாக குற்றச்சாட்டு எழுந்துள்ளது.
திராவிட முன்னேற்றக் கழகத்தின் வார்டு கவுன்சிலர்கள் மற்றும் கட்சி உறுப்பினர்களை பழனிசெட்டிபட்டி சேர்மன் மிதுன் சக்கரவர்த்தி திமுகவில் சேர ஆதரவு தெரிவிக்க பேரூர் செயலாளர், திமுக கட்சி உறுப்பினர்கள் மற்றும் தொண்டர்களை தொலைபேசியில் தொடர்பு கொண்டு மிரட்டல் விடுத்து வருவதாக குற்றச்சாட்டு தெரிவிக்கப்பட்டுள்ளது.
மேலும் மிதுன் சக்கரவர்த்தியை கட்சியில் சேர்க்க ஆதரவு தெரிவிக்காத திமுக கட்சி அடிப்படை உறுப்பினர் பதவியில் இருந்து நீக்கப்படுவார்கள் என்று மிரட்டல் விடுக்கப்பட்டுள்ளதாக குற்றச்சாட்டு எழுந்துள்ளது.
இது குறித்து திமுக தலைமை உரிய நடவடிக்கை எடுக்க வேண்டும் என திமுக தொண்டர்கள் கோரிக்கை விடுத்து வருகின்றனர்.
